Kêng măng 27/5, Kruanh Quốc hội Trần Thanh Mẫn ƀư tơm rơh rƀŭn bah Ủy ban Thường vụ Quốc hội, an rgop nău mpeh dự thảo Nghị quyết rlong ƀư du đêt trong, nău kơl êng an hun hao jay gŭ thuk prăk.

Kruanh Quốc hội lah rjăp, an ntrŭnh kloh năm ƀư tĭng sam ƀŭt hành chính yor Chính phủ ntrŭnh, nkre rgâl dơh sam ƀŭt gay nău pă an ndâk ƀư jay gŭ thuk prăk du trong ngăch ngăn, dơh nơih; đă ƀư kloh trong uănh nđôi, đăp mpăn uĕh nâp jay gŭ thuk prăk; ntop tay trong uănh nđôi, uănh năl uĕh nâp jêh rnôk lôch jêh ndơ ƀư. Nuĭh dơn kan uănh nđôi uĕh nâp? N’gâng kan Xây dựng mô lah UBND n’gor, nkual ƀon têh? Ân ntrŭnh na nê̆, dêr nău rnôk geh tât nău ri mô geh nuĭh trok dơn nău kan; nkre đăp đăp mpăn trong kan puh nsĕt ŭnh sa tâm ăp nău nchrăp ƀư jay thŭk prăk.