Nkhêp di nkah gĭt 77 năm Nar thương binh-Liệt sĩ, nar nđaơ, ta n’gor Hậu Giang, Kruanh dak Trần Thanh Mẫn lĕ khâl, an ndơ ăp Mê̆ Việt Nam janh dăng, ăp tahen ơm, tahen sôt rmanh, ăp rnăk dơi kơl, nuĭh geh soan đah cách mạng bah n’gor Hậu Giang. Ndơn măt kruanh Đảng n’hanh Ngih dak n’hanh mpôl pah kan, Kruanh Quốc hội Trần Thanh Mẫn njuăl tât ăp kruanh cách mạng, Mê̆ Việt Nam janh dăng, Anh hùng lực lượng vũ trang nhân dân, Anh hùng Lao động, ăp tahen ơm, tahen sôt rmanh, nuĭh rnăk wâl lĕ khĭt, nuĭh geh soan đah cách mạng bah n’gor Hậu Giang nău chop khâl đêp rmên, ăp nău rŏng têh n’hanh nkah gĭt jru.

Kruanh Quốc hội mĭn lah, mât uănh an rnăk wâl tahen ơm, tahen lĕ khĭt, rnăk wâl geh soan đah cách mậngơ lah nău ngêt dak nkah gĭt tu dak, rsơl plơng bah rnoi nuĭh he. Đảng, Ngih dak uănh tât mro rnăk wâl tahen sôt rmanh lĕ khĭt, nuĭh geh soan đah cách mạng đah âk nău kơl kơt hun hao wăng sa-rêh jêng ta ntŭk, mât uănh an rnăk wâl dơi kơl, rnăk wâl tahen khĭt, tahen sôt rmanh, ntop kơl jay gŭ, ntop kơl ăp nău kơl an oh kon rnăk wâl tahen sôt rmanh lĕ khĭt n’hanh nkra ăp nghĩa trang ăp năm.