Kêng măng 10/4, Kruanh Quốc hội Vương Đình Huệ hŏ mâp măt ăp ntoh măt nŭih gŭ ndung chính trị kăl e ta nkuăl ƀon têh Hồ Chí Minh. Ntoh nau tâm nar rƀun, Kruanh Quốc hội Vương Đình Huệ rnê prêh nkuăl ƀon têh Hồ Chí Minh hŏ ndâk Ntŭk tâm mâp bah ăp nŭih gŭ ndrung chính trị ơm kăl e ta Nkuăl ƀon têh Hồ Chí Minh, Ntŭk tâm mâp mô knŭng kơl an ăp nŭih ma hôm lah laih ty nthoi bah Đảng, Ngih dak. Aơ lah nau kan rgum, ntĭm nti nau ơm yau geh nau khlay, nau ngăn ma ăp nkuăl êng ân geh kơt tĭng.

Rnâng kan ƀư nau rgum tâm mâp hŏ rgum âk nŭih tă geh gŭ ndrung chính trị ơm kăl e tâm 2 rơh tâm lơh, ƀư âk nau kan, rơh hăn chop khâl, nkre Rnâng kan aơ hŏ rgum âk nau ơm janh dăng bah ăp nŭih geh nau blau ntoh lư bah ăp nŭih gŭ ndrung chính trị ơm kăl e. Rơh rlau aơ, đah nau rđau kan bah Trung ương kŏ rgum, rklaih ăp nau ê dơi jêh lôch. Di rnôk aơ, Kruanh Quốc hội rnê prêh nau nsôih kơl an rlau 1000 blah hồ sơ nŭih geh n’hâm đah cách mạng hôm nkol bah Rnâng kan rgum ntŭk tâm mâp./.