Kêng măng 18/1, Kruanh Quốc hội Vương Đình Huệ tât khâl, pă nklâm ndơ ân công nhân Công ty Ja Solar Việt Nam tâm nkuăl công nghiệp Quang Châu (Việt Yên, Bắc Giang). Ntoh nau tâm công ty Ja Solar Việt Nam, Kruanh Quốc hội Vương Đình Huệ lah rjăp, Quốc hội, Chính phủ Việt Nam ton mro kơl an ntŭk ntu ntuh kơl, tăch rgâl ân ăp ntŭk kan tăch rgâl tâm âk nau kan văng sa, tâm nê geh ăp nŭih ntuh kơl tă bah dak ba dih, ƀư jêh trong kan, pháp luật.

Kruanh Quốc hội ŭch Công ty Ja Solar Việt Nam leo trong tâm nau ndâk ntrong kan sinh thái, tâm rgop ngăn đah ăp rmôt kan bah Việt Nam gay njêng luh ăp ntil ndơ công nghiệp kơl an, ndâk nau kan ân geh rnoh. Di rnôk aơ, Kruanh Quốc hội Vương Đình Huệ ndrel ăp nŭih kan bah rmôt kan pă nklâm ndơ ân công nhân Công ty JA Solar, pă nklâm ndơ ân ăp rnăk dôl geh nau rêh jêr jŏt, rnăk vâl nŭih geh dơi kơl bah Uỷ ban MTTQ Việt Nam nkuăl Việt Yên./.