Ôi 16/1, Kruanh Quốc hội Vương Đình Huệ tât khâl, mbah rhơn Tết, pă nklâm ndơ mpôl tahen, rnăk dơi kơl, rnăk ach o, ƀon lan rnoi mpôl đê̆, công nhân, nuĭh kan geh nău rêh jêr jŏt ta nkuâl Bát Xát, Lào Cai. Nkoch mpeh nô nău nsum bah neh dak tâm năm 2022, Kruanh Quốc hội Vương Đình Huệ an lah, Lào Cai geh nău rgop dŭt uĕh tâm nău dơi  nsum bah neh dak.

Lơn lah, mpôl tahen n'har bri lam dak hŏ geh ăp bôk  nău kan dŭt geh nkô̆ khlay kơt "Năm mhe n'har bri răm nuih n'hâm ƀon lan ƀon tơm ta ntŭk", "Năm mhe n'har bri ƀư răm nuih n'hâm ƀon lan n'har bri", dơn kon mât lah ăp kon se geh nău rêh jêr jŏt, mât nti tât rnôk ăp oh têh jêng. Ta aơ, Kruanh Quốc hội Vương Đình Huệ hŏ pă an nklâm ndơ Pôih n'har bri Bát Xát, Pôih n'har bri Y Tý, Pôih n'har bri A Mú Sung, Pôih n'har bri Trịnh Tường, Mpôl wăng sa njrăng n'gang neh dak 345, rnăk dơi kơl, rnăk ach o, công nhân n'hanh nuĭh kan geh nău rêh jêr jŏt, ƀon lan rnoi mpôl đê̆.

VOV/Nuĭh rblang: Điểu Thân