Ôi (23/6), ta thôn Pré, xã Phú Hội, nkuâl Đức Trọng, UBND n’gor Lâm Đồng hŏ ntơm ƀư jay gŭ thuk prăk an công nhân, nuĭh kan ta Nkual công nghiệp Phú Hội n’hanh nuĭh ƀon lan geh wăng sa đêt ta ntŭk. Aơ lah trong nchrăp ƀư jay gŭ thuk prăk lor bôk năp bah n’gor Lâm Đồng dơi ƀư ta nkual rnoi mpôl đê̆.

Jay nchrăp geh lĕ rngôch rnoh ntuh kơl rlău 200 rmen prăk, dơi ƀư ta rnoh neh hvi bơi 18.000m2, lah 4 rot jay prêh 5 dăp, an geh 303 rnăk jay gŭ thuk prăk n’hanh 68 rnăk jay tăch rgâl. Lôch ƀư jêh n’hanh n’glăp dŏng mbra nta geh jay gŭ an nklăp 1.500 công nhân, nuĭh kan pah kan tâm Nkual công nghiệp Phú Hội n’hanh nuĭh ƀon lan geh wăng sa đêt ta ntŭk. Lah ta rnôk ntơm ƀư, wa Trần Văn Hiệp, Kruanh UBND n’gor Lâm Đồng an gĭt, n’gor dôl nsrôih rgum tĭng ƀư geh tât 2.980 mblâm jay gŭ thuk prăk tâm lvang năm 2021-2030, tâm nê geh 500 mblâm jay gŭ an công nhân.