Kêng măng 6/3, ta Ngih kan Quốc hội, Groi Thủ tướng Rnâng kan Quốc hội Trần Thanh Mẫn ƀư tơm rơh rƀŭn mbơh, nkoch tât nau nchrăp Luật BHXH (rgâl nkra).

Tâm nchră mpeh nau kan geh tât nau rgâl mhe prăk kaih, du đê̆ nau ân lah, nau nchrăp luật ê nkra mhe prăk khay, du đê̆ nau đă ân lah, nau nchrăp luật ê geh gĭt tât ăp nau tât bah nau rgâl mhe aơ, kơt lah nau tât bah nau jăng lơi rnoh prăk khay bah tâm dâng đah du đê̆ nau ntrŭnh geh tât nau bảo hiểm xã hội. Ndri ma, ân geh ntrơn nkra nau ntrŭnh mpeh nau ntrơn rgâl prăk khay ƀư nau nsing gay ma rgop bảo hiểm xã hội nchâp đă. Êng nê, geh nau đă lah, kŏ ân mĭn rjăp ăp nau geh dơi bah prăk khay, ƀư nsing gay rgop prăk Bảo hiểm xã hội;

Nau kan prăk rlu ranh, kơl an Bảo hiểm xã hội ăp khay đah rmôt tahen công an; nau kan geh dŏng Bảo hiểm xã hội du tŏ đah nŭih mô geh rgop prăk Bảo hiểm xã hội ndrel geh nau đă ndơn Bảo hiểm xã hội du đê̆ ma ê tŏng 20 năm rgop Bảo hiểm xã hội...Groi Kruanh Quốc hội Trần Thanh Mẫn mbơh aơ lah nau kan nchrăp Luật jêr, geh tât nau rêh bah ƀon lan, kŏ kơt lah tât nau ntrŭnh, nau kan bah Ngih dak, đă Chính phủ lŏ nchră ân tŏng, ăp ntil geh tât nkô̆ nau rgâl nkra, đăp mpăn nau dơi gay ƀư jêh ăp nkô̆ nau, nau đă bah rgâl mhe, đăp mpăn nau dơi bah ăp nkô̆ nau, nau đă bah rgâl mhe bảo hiểm xã hội tĭng nuih n'hâm bah nau ntrŭnh mrô 28-NQ/TW./.