Nthoi tay rơh pah kan ta n’gor Kon Tum, kêng măng (5/5), Manh ndơn ƀư Kruanh dak Võ Thị Anh Xuân ndrel Mpôl pah kan Trung ương lĕ tât khâl, an ndơ rnăk wâl dơi kơl, rnăk ach o n’hanh kon se geh nău rêh jêr jŏt ta nkuăl Kon Rẫy. Tâm nchră đah kruanh n’gor Kon Tum, n’gâng kan n’hanh nuĭh ƀon lan nkuăl Kon Rây ta nar jao an ndơ, Manh ndơn ƀư kruanh dak Võ Thị Ánh Xuân lah rjăp nău ƀư tơm khlay bah n’gor Kon Tum tâm 2 rơh tâm lơh mprơh Pháp, Mỹ n’hanh nuih n’hâm tâm rngăl, nking n’gang, dŭt n’hâm bah nuĭh ƀon lan ăp rnoi nuĭh tâm n’gor.

Uănh tât nău rêh nuĭh ƀon lan ăp rnoi mpôl đêt, Manh ndơn ƀư kruanh dak Võ Thị Ánh Xuân mpŏng gưl ủy, n’gâng kan ƀon lan n’gor Kon Tum ƀư tĭng săk rnglăy tay nău kơl rnoi mpôl đêt gay rhoăt đêt lơn tâm ƀah hun hao đah ăp rnoi mpôl đêt, nkual gay lĕ rngôch nuĭh ƀon lan dơi geh tŏng ăp nău geh bah cách mạng; ndrel đah nĕ lah ndăn nău rđău bah Đảng, Ngih dak kơt rgŏ jă, tâm rgop ăp ndơ, ngăn lah prăk ntuh kơl bah ăp bôk nău kan rƀŏng tĭng lam dak gay hun hao dak si, ntĭm nti, mât ndrăy văn hóa way ơm n’hanh ƀư uĕh nău kơl đăp mpăn rêh jêng.