Kêng măng ntri (26/6) Hội Liên hiệp Bu ur n’gor Dak Lak kan nsum đah Prăk nkrem ntop kơl kon se n’gor ƀư “Mâp măt, rhơn rnê, pă nklâm ndơ an kon se kon đơi”. Aơ lah nău kan tĭng khay kan an kon se, rƀŏng tât rnăk wâl Việt Nam (28/6).

Ta bôk nău kan, ăp kon se râng âk nău kan kơt: tiăr nti kơi năp nău gĭt blău rêh, nău blău pah kan rmôt; nău blău njrăng, n’gang khĭt rmanh, kơl rêh bôk năp, nău blău ât nuih n’hâm – rlău dơi săk nơm… Buăt nthoi gay ăp kon se dơi nkoch nău ŭch rŏng n’hanh mpơl nău rŏng đah ăp “me mât bôk”- ăp ntŭk nsing hŏ ntop kơl lĕ mpeh drăp ndơ, nuih n’hâm gay kơl ăp kon se rlău dơi ăp jêr jŏt, geh tay nuih n’hâm nđơr kơt nti. Mpôl tơm ƀư hŏ pă nklâm ndơ an 120 kon se kon đơi, kơl prăk rdâk njêng 2 mblâm jay n’hŭt răm, 20 nklâm học bổng đah  lĕ rngôch  rnoh khlay rlău 250 rkeh prăk.