Mhe rlău, Rmôt kan nuĭh khih dak si dioxin n’gor Kon Tum tâm rgop đah Công ty thương Mại Tổng hợp Kon Tum an bơi 400 nklâm ndơ Tết geh dĭng lĕ rlău 146 rkeh prăk an nuĭh koet nte lah nuĭh khih dak si dioxin rơh tal 3 ta ăp nkuăl: Đăk Hà, Kon Rẫy, Ngọc Hồi n’hanh nkual ƀon têh Kon Tum. Ndrel đah nĕ Rmôt kan khih dak si Dioxin n’gor Kon Tum rlak tơm prăk nkrem nuĭh khih dak si Dioxin rlău 137 rkeh prăk an 846 nuĭh ta lam n’gor.

Bah năp nĕ, Công đoàn ăp nkual Công nghiệp-Nkual wăng sa n’gor Kon Tum tâm rgop đah Công đoàn Viên chức n’gor ƀư Bôk nău rgum răm-puh wai năm 2022. Ta bôk nău kan 360 đoàn viên Công đoàn, nuĭh pah kan geh nău rêh jêr jŏt dơi an ndơ khlay bah 500 rbăn tât 1 rkeh prăk. Rlău ma nĕ Công đoàn ăp Nkual công nghiệp-Nkual wăng sa n’gor Kon Tum an 200 nklâm ndơ an đoàn viên công đoàn n’hanh nuĭh pah kan. Nô Trần Duy Hưng, pah kan ta Công ty Ntuh kơl hun hao ngih wâl nkual wăng sa n’gor Kon Tum geh 2 hê kon kop ji, nău rêh wăng sa rnăk wâl jêr jŏt an gĭt:

“Năm 2022 ngih pah kan lĕ nta an tŏng ăp trong kơl an nuĭh pah kan. Gâp dŭt lah uĕh ăp rmôt kan nsum mpôl geh nău rêh jêr jŏt. Rnăk wâl geh 2 mon jêt kop ji ƀư du nău Tết nâm ơm n’hanh hơm răm rgum m’ak”.

An ndơ Tết an nuĭh khih dak si Dioxin ta Kon Tum.

Ƀư tĭng ăp nău kan thiện nguyện di rơh năm Quý Mão 2023, druh ndăm Dak Lak mbơh ƀư âk nău kan mhe, rƀŏng tât âk rmôt nuĭh êng êng ta ăp ntŭk. Djôt n’ha phiếu an ndơ khlay 500 rbăn prăk, Yuh H’Nho Kbuôr, ta ƀon Kmrơng Prong A, xă Ea Tu, nkual ƀon têh BMT uănh nuĭh kơl kan nkoch ăp ndơ geh tâm “Siêu thin mini” gay săch an nơm ăp ndơ dŏng ŭch ngăn. Yuh an gĭt.

“Dơi geh nău uănh kơl bah kruanh Rmôt nuĭh cheh măt kơt ăp nuĭh lŏng bôk tổ, di Tết kơt geh mpôl lŏng bôk tôr ri mpôl oh dơi dơn ăp ndơ an bah ăp nuĭh an he. Oh saơ bôk nău kan aơ dŭt geh nkô̆ nău, dŭt răm, kơl oh kơt rmôt nuĭh êng, du gâl gay ma ntrŭt nsôr kơt du nău răm jêt bah êng gâp”.

          Đah ăp phiếu rwăt ndơ khlay 500 rbăn prăk, du hê sŏk ndơ mbra săch êng an dơm ăp ndơ dŏng geh ơm ta siêu thị kơt: sĭk, dak toh, phe, tăp kik, mì tôm, bôh ƀŏt ngot, ƀănh kĕo... Năm aơ, bôk nău kan ntêm an 700 phiếu rwăt ndơ an nuĭh ach o ta nkual ƀon têh Buôn Ma Thuột n’hanh nkual têh Buôn Hồ.

Yuh H’Giang Niê, Bí thư N’gor đoàn Dak Lak an gĭt, ndrel đah “Siêu Thị mini Tết mô sŏk prăk”, rnôk aơ lĕ rngôch 22 rmôt ntŭk đoàn ta lam n’gor dơi geh ăp nău ƀư na nê̆ rƀŏng tât nuĭh ach o, uănh khlay kơt: But uănh ji phăt dak si an dơm, an ndơ dŏng, rdâk ƀư jay tâm kơl, an ndeh wah jâng, kơl prăk hăn nti... Aơ lah ăp nău ƀư geh nkô̆ rgop đah ƀon lan kơl nuĭh ach o dơi răm năm mhe, wơt Tết.

       Ăp nklâm ndơ jêt kơl nuĭh ach o geh tay ndơ răm năm mhe, wơt Tết.

   Mpôl hên uănh mĭn bah năp nĕ lah phung pah kan, nuĭh ach o n’hanh kon se nău rêh jêr jŏt. N’hanh năm aơ mpôl hên mĭn tay du nău mhe tay lah tahen ƀon lan jêh hăn tahen. Đah nuĭh aơ ri mpôl hên ŭch ƀư uĕh trong kan tahen đah ăp nuĭh tahen ƀon lan dôl tâm tâm tahen. N’hanh đah ăp nuĭh tahen ƀon lan lĕ sĭt ƀon lan an geh ăp nău uănh, gay m’hâm ƀư dơi saơ trong chính trị n’hanh lĕ rngôch ăp gưl bộ,, đoàn n’hanh ăp gưl ủy Đảng geh nău uănh mĭn, gay ntrŭt nsôr tay nuih n’hâm tâm năm 2023 nsrôih tay tâm nău hun hao wăng sa kơt râng ăp nău kan bah ăp rmôt đoàn, hội ta ntŭk”.

Liên đoàn Lao động n’gor Dak Lak lĕ ƀư Bôk nău kan “Tết rgum răm” năm 2023 đah bôk nău “Tết rgum răm-năm mhe tâm rnglăp”. Tă bah nĕ, saơ nău tâm rŏng, mĭn uănh bah rmôt kan Công đoàn đah đoàn viên, nuĭh pah kan geh nău rêh jêr jŏt, kop ji jêr săm, rmanh pah kan... gay tâm pă du gưl jêr jŏt, kơl nuĭh pah kan wơt tết Nguyên đán Quý Mão 2023 hơm răml. rgum m’ak. ta bôk nău kan, đoàn viên, nuĭh pah kan lĕ dơi djăt nău njroh mprơ đah ăp nău mprơ rnê rhơn Đảng rhơn năm mhe, tâm nđŭr, bốc thăm geh ndơ nkhôm. Rơh aơ, Liên đoàn Lao động n’gor Dak Lak an 5 mlâm jay công đoàn kơl (50 rkeh prăk/jay) an ăp rnăk jêr jŏt đah jay gŭ n’hanh an 500 nklâm ndơ an đoàn viên, nuĭh pah kah.