Mpeh trong kan ntop kơl phe ji ngot rơh Tết Nguyên đán Quý Mão n’hanh êp khay kăch rek năm 2023, geh 18 n’gor mâp jêr jŏt mpeh nuĭh kan geh: Sóc Trăng, Ninh Thuận, Cao Bằng, Nghệ An, Tuyên Quang, Trà Vinh, Dak Nông, Quảng Bình, Dak Lak, Bạc Liêu, Gia Lai, Bắc Kan, Kon Tum, Hà Giang, Bình Phước, Quảng Ngãi, Quảng Trị n’hanh Lạng Sơn đă Trung ương ntop kơl phe kơl ji ngot an nuĭh ƀon lan.

Ndơ̆ pă phe an nuĭh ƀon lan ta Kon Tum

Tĭng nău dăn đă bah ƀon lan, N’gâng kan Lao động-Thương binh n’hanh Xã hội lĕ tâm rgop đah N’gâng kan prăk kaih groi nđôi, uănh năl mbơh an Thủ tướng Chính phủ uănh an 6 nău ntrŭnh ntop kơl 18 rbăn tấn phe an ăp n’gor ntop kơl nuĭh ƀon lan. Đah bôk năp, phe lĕ dơi pă ngăch, di nuĭh, đăp mpăn “Mô an nuĭh ntlơi bah kơi”.