Ta rơh pah kan, lôch geh djăt ndơn kan chính phủ n’hanh mpôl kan uănh nđôi mbơh tơih mpeh nău ƀư tĭng n’hanh mbơh tơih ngăch nău kan bôk năp bâh mpôl kan uănh nđôi rgâl mhe bôk nău kan, săm ƀŭt giáo khoa ntĭm nti phổ thông, nuĭh kan ndrel mpôl kan uănh nđôi n’hanh đại biểu tât râng lĕ tâm nchră mpeh ăp nkô̆ nău tâm 2 nău mbơh tơih.

Tâm nĕ geh ăp nău kơt: Uănh năl mpeh bôk nău kan lĕ rngôch n’hanh ăp bôk nău kan môn học, nău rgâl myhe trong kan ntĭm nti, trong leo kan uănh năl ntĭm nti, nău nchih rgum, uănh năl, an dŏng, pă dŏng n’hanh rnoh khlăy sƀ giáo khoa, nău ngăn n’hanh mbơh dăn, dăn đă đah nău mpôl nai nti phổ thông. Ntŭk kan ndơ dŏng, ndơ ntĭm nti dŏng tâm nău mbơh ƀư bôk nău kan mhe...Ndơn kan an nuĭh leo kan n’gâng kan ntĭm n’hanh nti, ăp n’gâng kan geh tât n’hanh groi Thủ tướng chính phủ Trần Hồng Hà geh gĭt nău tâm rgop, mbơh rblang, ƀư kloh du đê̆ nău mpôl kan uănh nđôi mât uănh.