Ôi ntri (24/1), Mpôl pah kan bah Bộ Tư lệnh nkual 3 Hải quân tă bah Chuẩn Đô đốc Nguyễn Đăng Tiến, Bí thư Đảng ủy- Chính ủy nkual 3 Hải quân ƀư Kruanh mpôl leo hăn ndrel ntơh măt ăp nhih pah kan, đơn vị, n’gor, doanh nghiệp tât khâl, pă nklâm ndơ, mbah rhơn Tết cán bộ, tahen n’hanh ƀon lan dôl pah kan, gŭ rêh ta nkuâl gôl dak Lý Sơn, n’gor Quảng Ngãi nkhêp geh năm mhe Giáp Thìn 2024.

Ntơh măt Đảng ủy, Bộ Tư lệnh nkual 3 Hải quân n’hanh Mpôl pah kan, Chuẩn Đô đốc Nguyễn Đăng Tiến njuăl nău ôp khâl, mbah rhơn cán bộ, tahen  n’hanh ƀon lan nkuâl gôl dak Lý Sơn wơt Tết way ơm rhơn mƀak, ngăch dăng. Chính ủy nkual 3 Hải quân nchih nkah nău ŭch kơl bah cán bộ, đảng viên n’hanh ƀon lan nkuâl gôl dak đah cán bộ, tahen Trạm radar 550 mpeh Trung đoàn 351, Bộ Tư lệnh nkual 3 tahen dak lêng lah êng n’hanh mpôl tahen lah nsum tâm nău mât đăp mpăn rnă njrăng, mât njrăng gôl dak bôk trong rlong sial bah neh dak./.