Kêng măng (17/8), bah năp năm nti mhe, Bộ chỉ huy Bộ đội Biên phòng n’gor Dak Nông ƀư mâp măt mpư rnê kon se nti ntoh lư tâm bôk nău kan “Ndơl jâng oh tât nhih nti- kon mât pôih n’har bri” n’hanh trong nchrăp “Cán bộ, tahen ndơl jâng oh hăn tât nhih nti” năm nti 2022-2023.

Đah trong rƀŏng “nta rplay siƀŭt, rêng nău mpŏng”, ntơm bah năm 2016 tât aƀaơ, hŏ geh 222 kon se nti ta 7 xã n’har bri bah n’gor Dak Nông n’hanh 12 kon se nti bah n’gor Mondulkiri (dak Campuchia) dơi tahen n’har bri n’gor Dak Nông ntop kơl hăn nti. Lĕ rngôch prăk ntop kơl ăp kon se geh nău rêh jêr jŏt lah bơi 4,5 rmen prăk, bah tơm prăk rgop bah lĕ rngôch mpôl tahen n’har bri Dak Nông. Nơm geh nău ntop kơl bah cán bộ tahen n’har bri, ăp kon se nti hŏ nsrôih mô rlu gay rlău dơi ăp jêr jŏt, mô  ăp tŏng mpeh drăp ndơ n’hanh nuih n’hâm gay jêng kon mbleh, nti blău./.