Ta rơh hop an ƀư nău kan năm 2023 bah Hội đồng kan nsum mbơh gĭt jru ntĭm nti pháp luật Trung ương ƀư kêng măng 16/3, ta Nhih pah kan Chính phủ, ăp nuĭh kan tâm hội đồng hŏ tâm nchră mpeh trong tĭng ƀư rnoh ŭch: Tât năm 2030, nău gĭt ryơk êng Hiến pháp, pháp luật ân jêng rnoh di tâm gŭ âm bah ăp nkô̆ tâm nău rêh. Groi Thủ tướng Trần Lưu Quang, Kruanh Hội đồng kan nsum mbơh gĭt ntĭm nti pháp luật Trung ương ƀư tơm rơh hop.

Ndrel đah nău đă ntik uĕh tay nău khlay kan bah nhih pah kan nkoch trêng nău lư, n'hao dăng hăn treng nđôi, ăp nuĭh kan tâm Hội đồng Trung ương dăn đă Chính phủ tâm pă tơm ndơ gay an ƀư pah kan mbơh gĭt ntĭm nti pháp luật, lơn lah đah ăp nuĭh mha êng, mô gĭt blău, nuĭh rnoi mpôl đê̆, ăp nkual mpeh yôk yang, nkual jru nkual ngai, nkual geh nău rêh wăng sa jêr jŏt n'hanh ntŭk tơm khlay mpeh njrăng n'gang neh dak n'hanh rnă njrăng.