Di nkah 94 năm nar ndâk Đảng cộng sản Việt Nam (3/2/1930-3/2/2024) ôi 2/2, ta Thủ đô Phnôm Pênh, Đảng bộ ta Campuchia hŏ ƀư nau mpoh kthup nkah Kruanh Hồ Chí Minh, đah nau râng bah âk mpưm cán bộ, đảng viên. Ntoh nau tâm nar rƀŭn, Bí thư Đảng uỷ, Nŭih kan ntoh măt dak Cộng hoà xã hội chủ nghĩaViệt Nam ta dak Campuchia Nguyễn Huy Tăng mbơh, di nkah 94 năm ndâk Đảng (3/2) he ndrel mpoh kthup tâm ntŭk ôp brah Wa Hồ, gay mbơh đah Wa du đê̆ nau kan ma Đảng bộ ta Campuchia dơi geh ƀư tâm năm 2023.

Năm 2023 bar dak Việt Nam-Campuchia lŏ hun hao jru hvi ndrel geh dơi ăp nau dơi khlay tâm âk nau kan chính trị, tâm nchră, neh dak-rnă njrăng nar lơn ngăn, săk tam; tâm boh nau kan văng sa, tăch rgâl ntuh kơl ntrơn rgâl rjăp, rgop tâm nau hun hao bah bar dak. Tâm nau ƀư rjăp, ăp ntoh măt hŏ mpoh kthup tâm jrâu ôp brah Kruanh Hồ Chí Minh, rđau kan ŭch rŏng bah rnoi mpôl gay nkah nau kơl an têh, nkah nau ntĭm nti bah Wa ân rơh nơm nar aơ ndrel ôi taơ./.