Lơ 13/9, ta nkuăl ƀon têh Pleiku, n’gor Gia Lai geh tâm nchră nkô̆ nau “Hun hao nau kan bah rmôt cán bộ bu ur ndrel ƀư nau kan đah ăp rmôt bu ur pah du ntil kan” nkuăl miền Trung-Tây Nguyên. Tĭng ăp nkô̆ nau geh mbơh tâm rnôk tâm nchră, ndrel nau ƀư hun hao văng sa, rêh jêng ăp ntil nau kan bah bu ur 19 n’gor miền Trung-Tây Nguyên geh rgâl kloh. Nau nkloh ngăn mpeh nau kan bah bu ur tâm nkuăl ndrel rnoh bu ur geh dơi ƀư tâm ăp gưl uỷ, n’gâng kan, bu ur ntoh măt Quốc hội ndrel HĐND hŏ âk lơn rđil bah năp nơh.

Nau kan săch ăp nŭih kan bu ur râng ƀư ntoh măt Quốc hội ndrel HĐND ăp gưl rnôk aơ hao âk mpeh rnoh nŭih ndrel nau nâp, geh săch bu mom. Wa Nguyễn Thị Minh Hương, Groi Kruanh rmôt kan bu ur Việt Nam ryơk kơp dơn ăp nkô̆ nau tâm nchră, ntoh luh ăp nau kan bah ntoh măt ndrel ŭch aơ lah ngoai tâm âk nau kan gay ăp rmôt kan nchrăp luh gay n’hao nau dơi, nau kan bah bu ur, nchrăp luh nau kan ngăn gay ma ƀư ăp nau kan mpeh bu ur du trong nâp nâl./.