Kêng măng 5/2, ta ngih kan Quốc hội, Uỷ ban Rnâng kan Quốc hội ntơm ƀư rƀŭn uănh du đê̆ nkô̆ nau geh nau dơi. Uỷ ban Rnâng kan Quốc hội rgop nau tâm nau nchrăp nau ntrŭnh mpeh Kỷ niệm chương “Yor nau kan Quốc hội Việt Nam” ndrel nau nchrăp nau ntrŭnh mpeh nau tâm rlong, rnê nkhôm đah nŭih kan ntoh măt Quốc hội, ăp ntŭk kan tâm Rnâng kan Quốc hội ndrel ăp cán bộ, công chức tâm nau dơi mât kan bah Uỷ ban Rnâng kan Quốc hội.

Yor nti nchră 2 nau ntrŭnh aơ, ăp nau rgop tâm nar rƀŭn đă Rnâng kan ntoh măt gay ma ndal nau ntrŭnh nau mbơh ntĭm mpeh ăp gưl kan geh nau kơp dơn, uănh năl nau đă, ntrong kan, nau kan khoa học geh săk tam ndrel nau geh tât ăp ntŭk kan, êng nŭih, ƀư jêh nau ntrŭnh, hồ sơ tâm rlong, rnê nkhôm, ơm nchră nau ƀư nau uănh pă nkhôm ăp nau tâm rlong, rnê nkhôm prêh lơn đah ăp ntoh măt Quốc hội tâm năm 2024./.