N’gor Dak Lak dôl nsrôih nchrăp ăp ndơ dŏng n’hanh tâm pă nuĭh kan rhŏ dŏng an rơh thi tốt nghiệp THPT năm 2024 an dŭt uĕh.  Tĭng nê, Sở Giáo dục n’hanh Đào tạo n’gor Dak Lak n’hao dăng tay pah kan ôn thi, ntĭm nti nău blău ƀư an ăp nuĭh râng thi, lơn lah nuĭh râng thi ta nkual jru, nkual ngai, nkual jêr jŏt.

Bah meng nê, ăp nkuâl ra uănh tay drăp ndơ dŏng đăp mpăn tŏng geh; rnă ntêm lor an nkhêp geh ăp nău tât ndal, uănh khlay tât pah kan njrăng n’gang trôk nar lơh, dak bŭk, rdâk njêng trong nchrăp rdâng lơh đăp mpăn rơh thi đăp mpăn, di quy định. Rơh thi tốt nghiệp THPT năm aơ, n’gor Dak Lak geh 33 ntŭk thi, bơi 21.000 nuĭh râng thi. N’gâng kan ntĭm nti hŏ rgum 2.800 cán bộ ƀư pah kan ta ăp hội đồng thi. Wa Phạm Đăng Khoa, Giám đốc Sở Giáo dục n’hanh Đào tạo n’gor Dak Lak an gĭt, gay rơh thi ƀư đăp mpăn, răp jăp, Sở êng uănh khlay tiăr nti an cán bộ ƀư pah kan hăn ôp uănh.