Ăp ntoh măt nchră tâm rnôk dak mra mô tŏng, mô tŏng nau dơi hun hao văng sa, rêh jêng ri nau nchrăp Luật mât dŏng dak (rgâl nkra) ntrơn, ƀư ntoh kloh nau kan nsum, kơl an nau mât dak, ntop nŭih geh kơp mbơh, đăng kí mpeh tơm dak tâm nâm neh lah nau tâm di. Wa Lê Thị Ngọc Linh, rmôt kan n’gor Bạc Liêu, mbơh:

 ‘Rnôk aơ, nau dŏng dak lă lêng mpŭng lir mô tĭng nau nchrăp mra jêng tât nau huch rnoh dak, lơh khuch dak tâm nâm neh. Tâm khoản 2 Điều 52 nau nchrăp luật ntrŭnh nau dŏng dak tâm nâm neh bah rnăk vâl gay ma dŏng ân nau kan bah nơm ân geh mbơh kloh. Bah rnoh mbơh bah ntŭk kan mât mra geh ăp nau nkah ân năn ăp nau kan tơm dak ma khân păng geh ăp nau kan gay ma mât ân tâm di”.

Gay nkah tât tơm dak dŏng, ăp ntoh măt đă ân geh ntrŭnh kloh lơn nau mât đah ăp ntŭk pă dak dŏng. Yor nau ntrŭnh rnoh dak dŏng geh tât n’hâm soan bah ƀon lan. Wa Huỳnh Thị Phúc, ngơi:

‘Tâm du đê̆ nau kan ngăn yor nau ŭch dŏng ngăn bah dak dŏng ri ƀon lan ân n’hao nau ntoh mhô tâm rbôk bri prăng, bri duh nar jŏ jong ru đă ân geh rnoh dak âk lơn rnoh geh dŏng dak geh dơi. Gâp đă rnâng kan nchrăp săch gay ma mĭn ntop tay ăp nau ntrŭnh mpeh rnoh pă nau dơi, dŏng gay geh nau ueh lơn tâm ăp nau dơi tât ndal bah mih, nar ndrel tă bah nau geh bah nau rêh ân geh ƀư kan ê nkra tăch rgâl kŏ kơt lah kơl an nau rêh bah ƀon lan”.

 Nau nchrăp Luật rnôk aơ ntrŭnh nau dŏng ân pă tâm ban nau dŏng tơm dak, tâm rnôk aơ nau khuch mô tŏng dak, kroh khan dak dŏng mra geh tâm ăp năm, tĭng ntoh măt Nguyễn Thị Thu Thuỷ, rmôt kan bah n’gor Bình Định, ân geh nau kan ngăn, ơm gay ma nchrăp:

‘Rnâng kan nchrăp kan âm geh ntrŭnh 2 năm du tŏ ndâk ăp nau kan gay ma rdâng tâm ăp nau dưi geh dŏng dak kơl an ân nau ăp dak tâm nkuăl têh tâm rnôk ntrơn rgâl trôk nar. Ăp nau kan ân ăp nkuăl geh nau khuch yor dak geh nau lăp khuch bah dak chiăt boh ndrel ăp nau khuch êng yor ntrơn rgâl trôk nar, nkân njrăng ân rjăp nau pơk hoch dak luh bah dih geh lăp khuch tâm dak dŏng gay ma rklaih ân nkuăl geh ăp nau khuch tă bah ăp ntŭk hoch dak nkuăl công nghiệp bôk năp, ăp nau khuch dak ƀŏ tă bah ăp n’gor, nkuăl têh tâm dak me, mĭn njêng nau kan gay ma năn tâm rnôk geh nau khuch”.

 Nau ngăn tâm ăp nkuăl ê geh ndâk ntrong ƀư nau kan uănh năl mpeh dak tâm nkuăl, nau mbơh, mrô mbơh nchră tât tơm dak hôm nkah, ntoh măt Vương Thị Hương, rmôt kan bah n’gor Hà Giang mbơh:

‘Gâp tâm ban ma nau mbơh nau kan geh tât rnoh mrô mât dak dŏng rgum tâm lam dak gay ma nơm ân geh ntrong mbơh ân tâm ban. Yơn lah tâm nau nchrăp aơ ê geh nau ntrŭnh n’hêl. Ndri ma gâp đă ntop nar, nau kan ân ƀư jêh nau ndâk ntŭk rgum mbơh mpeh tơm dak dŏng bah neh dak gay ma kơl an nau kan mât, mât tơm dak tĭng nau kan mrô bah trung ương ndrel n’gor”.

Bah năp ăp nau khuch jêr rdâng bah mih nar lơn ma khuch, wa Nguyễn Hữu Thông, mrôt kan Bình Thuận ân lah, ân geh ntrŭnh rjăp lơn mpeh nau dŏng khoa học, nau kan mât, dŏng tơm dak, njrăng nau khuch bah dak lơh:

‘Gâp đă ntop nau mĭn njêng ntrong kan gay ma rklaih trong dak lêng gay ma jêng dak njŭng gay ma rgum dơi dŏng tơm dak kŏ kơt lah đăp mpăn rnoh dak dŏng ngăn lah dak njŭng gay ma kơl an nau kan dŏng ndrel nau tuch tăm bah ƀon lan, ngăn lah nŭih ƀon lan tâm ăp gôl dak bah nơm lah điểm g, khoản 1, điều 6 bah nau nchrăp luật”./.