Ta rơh rƀŭn nchră, Ủy ban rnâng kan QH đă Chính phủ ngăch ndăn rdâk njêng, ntrŭnh săm ƀŭt kan mpeh 104 nkô̆ nău kan na nê̆, ntĭm leo ƀư tĭng Luật neh ntu mhe rgâl gay ma ơm geh ndơ̆ nău kơl an, nău ntrŭnh tâm ăp luật, nghị quyết bâh Quốc hội ta nău rêh.

Ăp đại biểu dăn đă Chính phủ an geh ƀư tĭng na nê̆ ta nău ntrŭnh ăp săm ƀŭt ntrŭnh na nê̆ ƀư tĭng luật tâm năm 2024, mât đăp mpăn nău ngăch, nău ueh, an tâm ban đah ăp luật geh tât mơ dơi geh Quốc hội mbơh tơih kơt Luật neh ntu, Luật tăch rgâl neh ntu, Luật ăp ntŭk kan an manh prăk. Ntoh ngơi nglôch lôch rơh rƀŭn nchră, Kruanh Quốc hội Vương Đình Huệ lah na nê̆, an geh rgum an lor ntrŭnh pah kan tâm ban n’hanh geh nău ueh mpeh trong kan pháp luật, ăp nău ntrŭnh, nău way kan, nău pah kan gay ma ƀư tĭng răng dăng, dơn ngoăy tâm lĕ Đảng n’hanh lĕ trong kan chính trị, ngăch ndơ̆ pháp luật tâm nău rêh.