Kêng măng 29/7, Uỷ ban Mặt trận Tổ quốc Việt Nam n’gor Dak Lak ƀư ndơn kơl an tơm prăk kơl an nŭih ach o ndrel prăk kơl an nŭih geh n’hâm ma neh dak yor Kruanh Hội đồng Dân tộc bah Quốc hội Y’Thanh Hà Niê Kdăm bonh đă, pă ân. Tâm nar ndơn, Kruanh Hội đồng Dân tộc bah Quốc hội Y’Thanh Hà Niê Kdăm ndrel ntoh măt ăp rmôt kan kơl an hŏ pă 300 rkeh prăk ân tơm kơl an nŭih ach o ndrel 50 rkeh prăk ân tơm prăk kơl an nŭih geh n’hâm tâm n’gor Dak Lak. Ndơn rnoh prăk, uỷ ban Mặt trận Tổ quốc Việt Nam n’gor hŏ tâm rgop, pă ân 2 nkuăl Cư Kuin ndrel Cư M’gar ntrŭnh ƀư ăp nau kan kơl an ăp rnăk geh n’hâm ma cách mạng ndrel kơl ndâk ngih gŭ ân nŭih ach o.

Uỷ ban Mặt trận Tổ quốc Việt Nam n’gor Dak Lak mbơh: tât lôch năm 2023, n’gor Dak Lak hôm bơi tât 46.100 rnăk ach o ndrel rlau 34 rbăn rnăk êp ach o, geh 16% rnoh rnăk. Rnôk aơ, ngih gŭ bah rnăk ach o ndrel êp ach o ê geh nâp, tâm rnôk nê tơm geh ntuh kơl an bah n’gor ê geh âk. Ndri ma, rmôt kan mro nsôih kuăl jă ăp rmôt kan, nŭih geh nuih n’hâm lŏng ndrel nsum ty kơl an gay rgop tơm prăk gay ndrel geh nau kơl an ân nŭih ach o./.