Tĭng nău mbơh bâh wa Nông Thị Thu, groi kruanh Ủy ban MTTQ Việt Nam n’gor Đăk Lăk, ăp nar ba năp, nău tâm pêt tâm kơl “n’ha ueh nkŭm n’ha sat” lĕ trĕ lam ta ăp ntŭk rêh jêng ƀon lan tâm n’gor. Bâh ăp oh kon se jê̆ nchah sŭr ntêm prăk, ăp u ranh dŏng prăk mpêt nkrem gay ma kơl an ƀon lan nkual dak buk. Kơp tât aƀaơ, MTTQ Việt Nam n’gor Đăk Lăk lĕ dơn rnoh prăk rlău 16,3 rmen prăk. Ndrel đah nĕ lĕ geh 50 bôk ndeh rdeng ndơ bâh Dak Lăk kơl tât ăp n’gor mpeh Bắc đah rnoh khlăy rlău 9 rmen prăk.