Gay n’hao nau gĭt pháp luật ân đoàn viên, druh ndăm, ngăn lah tâm nkuăl nroi mpôl đê̆, nkuăl jru, nkual ngai, tâm năm 2022, Đoàn n’gor Dak Lak hŏ ntrŭnh âk nau kan nkoch trêng đah ăp nau kan, tâm di ma nau dơi bah ăp nkuăl. Tĭng yuh Phan Thị Trinh, Groi Bí thư Đoàn n’gor Dak Lak, nau dơi tâm nau kan nkoch trêng bah druh ndăm tâm năm rlau aơ lah 2 rơh tâm rlong pháp luật tâm nau nkoch trêng bah druh ndăm xã Krông Nô, nkuăl Lăk ndrel Xã Cư Pui, nkuăl Krông Bông.

Đoàn n’gor Dak Lak tâm rgop nsum đah Thư viện n’gor ƀư nau tâm rlong gay ma gĭt mpeh pháp luật tâm đoàn viên, druh ndăm. Bah nê, rgum bơi tât 37 rbăn nŭih râng rlong. Ăp nkual, nkuăl têh, nkuăl ƀon têh ndrel Đoàn tâm ntŭk kŏ ntrŭnh nau kan nkoch trêng, ntĭm nti pháp luật ndrel ăp nau kan kơt tĭng “Nar pháp luật dak Cộng hoà xã hội Chủ nghĩa Việt Nam 9/11”.

Yuh Phan Thị Trinh mbơh, ntŭk kan đoàn hŏ ƀư ueh nau ntrŭnh nkoch trêng tât đoàn viên druh ndăm đah âk nau kan bah mạng xã hội, nau dŏng ntŭk nkoch mbơh nau mhe mô lah bah ăp ntŭk ntoh rup, rơh tâm rlong tâm dâng, nar ƀư rlong kan tâm ngih phat dôih, ăp bôk nau kan tâm nchră, mbơh nkoch ăp nau kan jru ân ăp nŭih n’hêl:

‘Nau kan nkoch trêng tâm ăp rơh khay druh ndăm, nau kan druh ndăm kơl an tâm khay rlu nti ndrel ngăn lah tâm khay geh ƀư nau kan Nar pháp luật Việt Nam. Phung hên kŏ tâm rgop nsum tâm ăp nau nkoch mpeh ăp nau ntrŭnh pháp luật, ăp nau ntrŭnh bah Đảng, ăp nar rƀŭn rgum đoàn viên, druh ndăm. Nkô̆ nau phung hên kŏ ngăn ngên uănh khlay tât ăp ntŭk đoàn ntrŭnh ƀư”./.