Ta n’gor Gia Lai, ăp nhih nti THPT dôl ndăn ngăch ôn tập, nkah tay nău tă nti an kon se râng thi tốt nghiệp trung học phổ thông gưl neh dak năm aơ geh nău dơi dŭt âk, lơn lah đah kon se nti nuĭh rnoi mpôl đê̆, kon se nti ta nkual jêr jŏt. Geh mbro 12 năm, Nhih nti phổ thông dân tộc nội trú n’gor Gia Lai geh 100% kon se nti đỗ tốt nghiệp, Hiệu trưởng Võ Thành Nguyên an gĭt, bah bôk ăp năm nti, nhih nti  hŏ lor rdâk njêng trong nchrăp ôn thi tâm di.

Ta nhih nti THPT Đinh Tiên Hoàng, nkuâl jru ngai Krông Pa, ntŭk geh 99% kon se nti lah nuĭh rnoi mpôl đê̆, ăp kon se dơi tâm pă rmôt tâm di nău dơi gay ôn tập nkah tay nău tă nti an rơh thi tốt nghiệp. Rơh thi THPT gưl neh dak năm aơ ta n’gor Gia Lai geh 41 ntŭk thi đah rlău 15.300 nuĭh đăng ký râng thi, tâm nê geh bơi 4100 nuĭh rnoi mpôl đê̆. Nău nchrăp lor bah nhih nti, ăp dăch dêh bah nai ntĭm nti mbra rgop kơl kon se nti nsing nơm lăp tâm rơh thi geh nău dơi dŭt âk.