Ôi 30/6, Groi Thủ tướng Trần Hồng Hà ƀư tơm rơh hop Ủy ban gưl neh dak mpeh  nuĭh âk năm deh ta Nhih pah kan Chính phủ. Ta rơh hop, ăp nuĭh kan tâm Ủy ban neh dak mpeh nuĭh âk năm deh dăn đă: Chính phủ rđău đă ăp nhih pah kan rdâk njêng “Trong nchrăp neh dak an nuĭh âk năm deh tâm nô nău mhe” gay ngăch rdâng lơh đah trong rƀŏng nar lơn ma ranh âk rnoh nuĭh Việt Nam; nkra bah lĕ 5% rnoh nuĭh âk năm deh, nklăp 500 rbăn nuĭh mô hŏ geh bảo hiểm y tế, gay 100% nuĭh âk năm deh mbra geh thẻ bảo hiểm y tế; geh trong ntop kơl ƀư Ntŭk rgum rlu rlău an nuĭh âk năm deh gay rgum lĕ tơm ndơ kơl.

 Nkre, ƀư âk ntŭk ntô ndơ dŏng, mât chăm n’hâm suan nuĭh âk năm deh rgum mpôl kan bah dih ngih dak râng pă an ndơ rhŏ dŏng an nuĭh âk năm deh. Groi Thủ tướng Trần Hồng Hà lah rjăp: pah kan mât chăm, ntô̆ n’hao nău khlay kan nuĭh âk năm deh aƀaơ ân dơi mĭn uănh tâm rnôk Việt Nam hŏ lăp tâm rơh ranh âk rnoh nuĭh. Năm 2023 ân uănh khlay lơn, nta trong dơh an nuĭh âk năm deh  rgop an lam rêh jêng kon nuĭh./.