Lŏ tâm bôk rơh rƀŭn ăp ntoh măt ƀư nau kan du ntil, ôi aơ 6/4, ăp ntoh măt tâm nchră ta ngih rƀŭn, rgop nau mpeh du đê̆ nau kan têh hôm êng êng mpeh nau nchrăp Luật rnoh (rgâl nkra). Djăt ăp nau rgop bah ntoh măt Quốc hội ta rơh rƀŭn tal 4, tât rnôk aơ, Bôk nau nchrăp Luật mpeh Rnoh (rgâl nkra) ntrŭnh mpeh nau đăp mpăn rnoh tĭng trong mbơh rah vah, kloh. Nau ntrŭnh ƀư kloh ăp ntil ndơ đăp mpăn rnoh tâm Luật kŏ geh rklaih nau kan “luật khung, luật ống”.

Nau nchrăp Luật kŏ ntrŭnh lah geh nau ngăn ân geh ntrơn rgâl ăp ntil ndơ ƀư đăp mpăn rnoh, Chính phủ mbơh Uỷ ban Rnâng kan Quốc hội uănh, ntrŭnh. Mpeh rnoh tăch, nau nchrăp Luật kŏ ntop tay du đê̆ nau ntrŭnh mpeh nau geh dơi, nau ƀư, ntrong kan, nkô̆ dŏng, nau dơi, ntrong kan pháp lý bah nau ntrŭnh mpeh rnoh ndrel Rnoh moh ăp ntil ndơ, nau kan yor Ngih dak nchrăp rnoh gay ma mât đăp mpăn nau dơi, kloh, mât ăp nŭih ƀư nau kan uănh năl rnoh./.