Ôi lơ 17/11, Rmôt nŭih kan lŏ mir n’gor Dak Lak ntơm ƀư mbơh ntŭk tăch ndơ tuch tăm Dak Lak online tâm trang ƀư nau kan tăch rgâl trong điện tử chonongsandaklak.vn. Chợ yor rmôt nŭi pah kan lŏ mir n’gor mât, ndâk ân an nau kan văng sa nsum ndrel tâm rgop ƀư nau kan tuch tăm. Chợ tăch ndơ tuch tăm Dak Lak online mra njêng ƀư ăp nau kan mĭn, mbơh, mpla, nkoch ăp ntil ndơ, nau kan ndrel săk ntơ; tâm boh nau kan tuch tăm, tăch rgâl...tâm nau kan trực tuyến.

Chợ tăch ndơ tuch tăm online hôm lah ntŭk gay ăp ntŭk kan lăp, joi tu tơm, săk ntơ bah ăp ntil ndơ ân ngăch, tâm di. Tĭng wa Lại Thị Loan, Kruanh rmôt kan nŭih pah kan lŏ mir Dak Lak, nau râng Chợ tăch ndơ tuch tăm Dak Lak online mra ntrŭt dăng ăp rmôt kan, ntŭk kan, rmôt ƀư nau kan, ƀon lan ân dơi nchrăp n’hao nau khlay ndơ, ê nkra tuch tăm ndoh ndơ đăp mpăn, tĭng nau dơi ndrel đăng kí săk ntơ./.