Ôi 8/12, Mpôl pah kan bah Bộ Nông nghiệp n’hanh Phát triển nông thôn tă bah Thứ trưởng Nguyễn Quốc Trị ƀư kruanh mpôl hăn tât ôp khâl, tâm pă rngot đah rnăk cán bộ kiểm lâm nkual mât ndray bri dak Ea Sô (Dak Lak) geh pănh khĭt tâm rnôk hăn pah kan. Tât khâl n’hanh tâm pă nău rngot klâng đah rnăk wâl cán bộ kiểm lâm tâm nău tât, Thứ trưởng Nguyễn Quốc Trị dăn đă n’gâng kan nkuâl Ea Kar uănh khlay tât nău rêh drăp ndơ, nuih n’hâm, nta ăp trong dơh ntop kơl rnăk nuĭh khĭt rlău dơi nău roh yot rngot klâng ơm đăp mpăn nău rêh rnăk wâl n’hanh nti ren bah mon său.

Mpôl Kiểm lâm, n’gâng kan tuch tăm mât rong n’gor Dak Lak kan nsum lhăt đah mpôl kan dơi kan ndăn ngăch hăn ôp uănh, joi kloh jêng geh nău tât n’hanh tĭng ƀư ăp trong kơl tĭng di quy định đah cán bộ kiểm lâm geh pănh khĭt. Nkhêp geh rnôk dja, Công đoàn n’gâng kan tuch tăm n’hanh hun hao ƀon lan, Sở Nông nghiệp n’hanh Phát triển nông thôn Dak Lak ndrel ăp đơn vị, nuĭh lŏng nuih n’hâm pă an  ăp nklâm ndơ an rnăk wâl ơm đăp mpăn nău rêh./.