Lơ 4/9, ta nkuăl ƀon têh Huế, học viện bu ur Việt Nam ƀư tâm nchră Khoa học neh dak nkuăl miền Trung-Tây Nguyên ƀư nau tâm ban bu ur bu klô tâm nkuăl rnoi mpôl đê̆ ndrel gôl yôk; đă ăp nkô̆ nau, nau kan bonh đă, kơl an bu ur tâm rơh ba kơi tay. Tâm nchră hŏ ndơn geh 70 nau nchih tă bah ăp ntoh măt ndrel săch luh 39 nau nchih gay ma rgum, nchih tâm rnôk tâm nchră.

Ndrel ma nau ƀư năl ăp nau kan ndal đah bu ur ndrel kon se nŭih rnoi mpôl đê̆, gôl yôk, tâm nchră rgum kơp dơn ăp nau đă nau kan, ntrong kan leo lăp ƀư ân săk tam bah nau kan 8 tâm rơh tât. Nau kan 8 lah 1 tâm 10 nau kan geh tâm Bôk nau kan bah rmôt kan bu ur Việt Nam ƀư tơm, mât ndrel rđau đă. Ăp nau kan bah aơ lah rgum tâm nau nkoch trêng, bonh đă, rgâl nau mĭn tâm nkhah bu ur bu klô... Ntơm bah nê rgop nau ntrŭt dăng lơn tay nau tâm ban bu ur bu klô tâm nkuăl aơ./.