Ta nar mâp, âk nău geh tât nău đăp mpăn nău rêh jêng lĕ dơi nuĭh ƀon lan nkoch kloh. Ta nkuăl Ea Kar, nuĭh ƀon lan lĕ geh âk nău lah njuăl tât Mpôl đại biểu Quốc hội n’gor Dak Lak, tâm nĕ, rgum tâm ăp nkô̆ nău kơt: wăk kol nău pă sam ƀŭt dŏng neh an ăp rnăk ƀon lan, trong bư, nău kơl an cán bộ thôn ƀon hôm e đêt, ăp nău kơl tĭng bôk nău kan rƀŏng tĭng lam dak n’hŭch ach o nâp nâl nkual rnoi mpôl đêt hôm e jêr jŏt, đêt dơi ƀư.

Djôt dơn n’hanh uănh lah prêh ăp nău rgop bah nuĭh ƀon lan, mpôl đại biểu Quốc hội n’gor Dak Lak lĕ đă ăp ngih pah kan dơi mkra n’hanh ƀon lan mbơh an. Đah ăp nău êng, rmôt kan mbra rgum dăn đă tât Quốc hội, Chính phủ n’hanh ăp n’gâng kan, nău kan tâm rơh rƀŭn tât.