Nar 12/7, ta Hà Nội, trung ương hội khuyến học Việt Nam ƀư rơh pă học bổng “nti mô dơi lôch” tal 4 an kon hoc rlet rlău nău jêr jŏt, hun hao nti blău n’hanh nuĭh têh geh âk nău dơi blău tâm nău nti ƀa ƀơ ta ăp trong kan bâh 25 n’gor, nkuăl ƀon têh gôl yôk mpeh ba lơ, nkual đồng bằng sông Hồng.

Rnâng kan leo kan lĕ pă học bổng “Nti mô dơi lôch” an 463 nuĭh geh săch bâh ăp ntŭk n’hanh 14 ntŭk kan bâh trung ương, tâm nĕ geh 290 kon hoc, sinh viên n’hanh 173 nuĭh têh. Tâm rnoh nĕ âk kon hoc rlet rlău nău jêr jŏt, geh nău dơi têh âk tâm nău nti. Pă học bổng an ăp nuĭh geh nău dơi ntoh lư tâm nău nti, groi Thủ tướng Lê Thành Long rnê âk nău mĭn kan bâh Trung ương Hội khuyến học Việt Nam lĕ geh ƀư n’hanh mât nău pă Học bổng tĭng nău nti bâh wa Hồ “Nti mô dơi lôch”, du học bổng dŭt khlăy tâm pêt tâm kơl tâm nău nti lĕ nău rêh tĭng nău ntoh ang bâh Kruanh Hồ Chí Minh.