Ôi lơ 2/8, ndơn kan bâh kruanh dak, Đại tá Trương Minh Đương- Giám đốc công an n’gor Lâm Đồng ndrel đah ăp đồng chí Groi Giám đốc công an n’gor Lâm Đồng lĕ pă Huân chương mât Ngih dak hạng Pe an 3 tahen Cảnh sát giao thông, geh : Trung tá Nguyễn Khắc Thường, Thiếu tá Lê Quang Thành n’hanh Đại úy Lê Ánh Sáng khĭt rnôk pak kan ta ntŭk pĭch rlâm neh ta yôk Bảo Lộc.

Tĭng nĕ, nuĭh leo kan Công an n’gor Lâm Đồng lĕ tât ta jay ăp cán bộ, tahen lĕ khĭt gay ma pă Huân chương mât Ngih dak hạng Pe an rnăk vâl ăp tahen khĭt. Ăp tahen khĭt geh pă Huân chương yor lĕ geh nău kan têh tâm nău pah kan, ntop mât nău kan rdâk njêng Chủ nghĩa xã hội n’hanh mât ngih dak. Aơ lah nău lah ueh, ryơk rnê bâh Đảng, Ngih dak n’hanh ƀon lan đah ăp nuĭh lĕ khĭt yor nău mât rdâk njêng n’hanh mât đăp mpăn rnă njrăng ngih dak. Tĭng nău mbơh bâh Đại tá Trương Minh Đương, tâm rnôk pah kan, nău kan, ăp cán bộ, tahen Nguyễn Khắc Thường, Lê Quang Thành n’hanh Lê Ánh Sáng lĕ n’hao nău dơn kan, ƀư lôch ueh nău kan geh pă jao.