Nkhêp nkah ndray 94 năm Nar njêng Hội Liên hiệp Bu ur Việt Nam (20/10), Công đoàn điện lực Dak Lak hŏ ƀư ôp khâl n’hanh pă nklâm ndơ  Me Việt Nam dăng janh Thái Thị Tài, aƀaơ dôl gŭ rêh ta xã Hoà Thắng, Nkual ƀon têh Buôn Ma Thuột.

Mpôl hăn hŏ an kao si n’hanh nklâm ndơ, ndrel nkoch bri n’hanh djăt Me nkoch mpeh ăp năm khay kăl e râng tâm lơh bah rnăk wâl. Mpôl hăn njuăl nău mbah rhơn nkhêp  geh nar 20/10 n’hanh mpăn nuih n’hâm Me rêh rhơn mƀak, rêh ngăch dăng, lah nuĭh ntĭt leo lor trong chrat ang an kon său kơt tĭng. Way hăn chop khâl Me Việt Nam dăng janh lah ngoăy tâm  ăp nău kan đăp mpăn lam rêh jêng kon nuĭh bah điện lực Dak Lak gay nkah gĭt ăp rnăk geh n’hâm suan đah cách mạng, rgop ntĭm nti nău way ơm “ngêt dak kah gĭt tu tơm” bah rnoi nuĭh. Dơi gĭt tâm 9 khay aơ, Công đoàn điện lực Dak Lak hŏ ntêm an 1 rmen prăk tĭng ƀư pah kan đăp mpăn lam rêh jêng kon nuĭh ta ntŭk n’hanh kơl nuĭh ƀon lan ăp nkual geh tât khuch trôk nar lơh rlău dơi jêr jŏt./.