Bar rnăk vâl geh kơl ƀư jay tâm kơl rơh aơ geh rnăk wa Lê Thị Hồng- ta tổ dân phố 8, nkuăl  Krông Năng, n’hanh wa Nguyễn Thị Thạo- ta thôn  9, xã Ea Kly, nkuăl Krông Păk. Lĕ 2 rnăk vâl ta rnăk ach o da dê, geh nău rêh ach o.

Tâm nĕ, wa Nguyễn Thị Thạo i sai lah tahen khĭt tâm lơh. Ndrel đah nău kơl an ăp rnăk 60 rkeh prăk gay ma rdâk ƀư ngih gŭ, n’gâng kan điện hôm nha geh kơl ƀư nkra, ntrŭp trong điện ta jay gay ma mât đăp mpăn tâm rnôk dŏng. Ta rơh pă jao jay, Điện lực Dak Lak lĕ pă an tivi gay ma ăp rnăk vâl geh ndơ dŏng tâm jay mhe. Dơi gĭt lôch rơh aơ, công ty điện lực Dak Lak dôl tâm rgop tay ndrel đah ăp ntŭk kan, ta ntŭk mbơh tơih rdâk njêng 3 mblâm ngih jay êng gay ma pă an ăp rnăk geh nău rêh jêr jŏt.