Aơ lah rnăk vâl ta rnoh rnăk ach o, ngih jay ntơm nơh dŭt jê̆ n’hanh truh sat, mô đăp mpăn an 5 nuĭh ta rnăk vâl gŭ rêh.

Bâh rnoh prăk 60 rkeh prăk bâh điện lực kơl an, rnăk vâl wa Lê Văn Tám lĕ rgum tâm rgop tay gay ma ƀư lôch nău rdâk njêng ngih jay đah rnoh rlău 100 mét vuông. Ta rơh aơ, điện lực Dak Lak hôm nha geh pă 1 mblâm tivi gay ma rnăk vâl wa geh tay rnoh ndơ dŏng tâm jay mhe. Dơi gĭt aơ lah ngoăy tâm 5 rnăk dŭt jêr jŏt geh công ty Điện lực Dak Lăk kơl ƀư ngih jay tâm kơl ta rơh aơ. Ăp ngih jay geh ƀư n’hanh pă jao an di rơh gay ma kơl an ăp rnăk đăp mpăn ta năp khay mih sial, geh tay nău nsrôih gay ma hun hao tâm nău rêh jêng.