Kêng măng nar 8/6, nthoi tay rơh hop tâl 5, ăp đại biểu Quốc hội hŏ n’hơr ti ŭch an dŏng Nghị quyết mpeh bôk nău kan groi nđôi bah Quốc hội năm 2024. Tĭng Nghị quyết, năm 2024, Quốc hội ƀư groi nđôi gưl têh 2 nkô̆ way kan n’hanh Quốc hội jao an Ủy ban Thường vụ Quốc hội ƀư groi nđôi gưl têh đah 2 nkô̆ way kan êng ƀa ƀă.

Bah meng nê, Nghị quyết hŏ nchŏng kloh, nsing tâm bôk nău kan groi nđôi bah Quốc hội n’hanh nău geh ngăn ngăn, Ủy ban Thường vụ Quốc hội, Hội đồng Dân tộc, ăp Ủy ban bah Quốc hội, Mpôl đại biểu Quốc hội, đại biểu Quốc hội lor nchrăp rdâk njêng, an tĭng ƀư bôk nău kan groi nđôi bah he, mbơh lôch jêh geh ƀư tĭng di quy định bah pháp luật. Rgâl mhe tay, groi nđôi di n’hanh găl, nchŏng kloh ntŭk, rgum di nău  dơn kan bah ăp mpôl, ăp nuĭh n’hanh dăn đă rgâl nkra, kơi ntop ăp tŏng lam trong kơl, pháp luật bah Ngih dak. Nar 9/6, Quốc hội rgum tâm nchră ta rmôt đah âk nkô̆ khlay; tâm nê tâm nchră mpeh trong nchrăp Luật neh ntu (rgâl nkra), trong nchrăp Luật mât dŏng ndơ njrăng n’gang neh dak n’hanh nkual gŭ kan tahen./.