Kơt nău hŏ nkoch, rơh hop ndal tâl 5 (Quốc hội khóa XV) hŏ ntơm pơk ôi 15/1. Ngoăy tâm 4  nkô̆  khlay dơi tâm nchră ta rơh hop dja lah  trong nchrăp Nghị quyết mpeh du đêt trong kơl mha êng gay droh rklaih jêr jŏt, kŏ kol, ntrôl ngăch tĭng ƀư ăp bôk nău kan gưl neh dak.

Tĭng ƀư Nghị quyết mpeh groi nđôi way nkô̆ rơh hop tâl 6, Chính phủ hao mbơh dăn Quốc hội mĭn uănh, n’glêh an dŏng du đêt trong kơl mha êng gay droh rklaih jêr jŏt, kŏ kol, ntrôl ngăch n’hanh tĭng ƀư geh nău tam 3 bôk nău kan gưl neh dak, rgum tâm  ăp nkô̆ tơm khlay: nău tâm pă, jao trong nchrăp way sŏk dŏng prăk ngân sách trung ương ăp năm; nău rgâl di trong nchrăp sŏk dŏng prăk ngân sách ngih dak, trong nchrăp ntuh kơl tơm prăk ăp năm; nău dŏng prăk ngân sách ngih dak nkhêp geh jao nuĭh tơm ƀư tĭng rvăt năp êng ndơ rhŏ dŏng kan an hun hao ƀư njêng; nău quy định rlong tâm pă gưl kan an gưl nkuâl n’glêh an săk nchih, dăp rgum, tâm pă dŏng tơm prăk ngân sách ngih dak tâm nău an ƀư ăp bôk nău kan…..