Ntơm rnôk aơ tât Tết mô hôm âk, lah Quốc hội geh rơh rƀŭn ndal ri tâm nklang khay 1/2024. Gay ntrŭt dăng nau nchrăp, Uỷ ban Rnâng kan Quốc hội mra rƀŭn nchră ăp rnôk mô geh tâm bar nar. Kruanh Quốc hội Vương Đình Huệ mbơh nau aơ rnôk ntoh tâm rơh rƀŭn tal 28 bah Uỷ ban Rnâng kan Quốc hội ôi 13/12. Rơh rƀŭn geh tâm 3 nar 13, 14 ndrel 18 khay 12. Mpeh nau sŏk nau rgop lôch rơh rƀŭn tal 6, Kruanh Quốc hội mbơh, tĭng nau vay mra nchră ăp ntil nau tâm nau rgop bah ntoh măt ndrel cử tri uănh moh nau gay ma rhuăt luh, ngăn lah moh nau rgâl mhe gay n’hao nau săk tam bah rơh rƀŭn.

Geh tât nkô̆ nau rgop bôk năp mpeh nau nchrăp rƀŭn tal 7 (khay 5/2024), wa Vương Đình Huệ mbơh kloh, mhe rlau geh 2 nau nchrăp luật khlay Quốc hội ntrŭnh nau ê nchră ndrel hôm nau rgum ntŭk ntu dak lêng neh dak, nau ntrŭnh rlong ƀư nau kan ân 3 bôk nau kan bah neh dak kŏ kơt lah du đê̆ nkô̆ nau mpeh tơm prăk, ngân sách hôm kol tâm nau dơi bah Quốc hội. Ndri ma, ân geh nkah tât nau dơi geh du rơh rƀŭn nkô̆ (ndal) gay rklaih nau kol ndrel nau ndal bah năp măt./.