Rơh 2 bah Rơh rƀŭn tal 7 nchrăp jŏ jong bah nar aơ 17/6 tât nar 28/6. Quốc hội uănh mĭn tă bah âk nău nchrăp luật, dự thảo nghị quyết kơt nău ntrŭnh ăp nău khlay mpeh tâm nău dơi kan. Ta rơh rƀŭn aơ, Quốc hội mbra uănh mĭn tay, mbơh an 10 dự thảo luật. Ôi aơ, Quốc hội tâm nchră ta ngih rƀŭn mpeh nău ntrŭnh ntuh kơl Nău nchrăp ƀư ndâk njêng trong hăn cao tốc-Bắc-Nam mpeh bah lơ lvang Gia Nghĩa (Dak Nông)-Chơn Thành (Bình Phước).

Tâm nar ôi, Quốc hội tâm nchră mpeh nkra di nău ntrŭnh ntuh kơl Bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030. Aơ lah ngoăy tâm âk naư ntrŭnh têh, dơi ƀư ta lam dak n’hanh rgum tâm ăp xă, thôn nkual rnoi mpôl đêt n’hanh nkual yôk. Kêng măng, Quốc hội tâm nchră rmôt mpeh: Nău nchrăp ƀư Luật Công chứng (nkra rgâl) n’hanh nău nchrăp ƀư Luật soay giá trị gia tăng (nkra rgâl).