Lŏ tâm rơh rƀŭn tal 6, ôi aơ, Quốc hội tâm nchră ta ngih rƀŭn nchră nau kan ƀư tơm prăk năm 2023; Nchră nau kan n’gul năm ƀư nau nchrăp ntuh kơl nsum jong năm 2021-2025; Nchrăp tơm prăk neh dak ndrel manh, trok prăk 5 năm lvang năm 2021-2025. Kêng măng, ăp ntoh măt tâm nchră ta ngih rƀŭn mpeh du đê̆ nkô̆ nau hôm êng êng tâm nau nchrăp Luật ăp ntŭk kan ân manh prăk (rgâl nkra). Ôi aơ 2/11, Quốc hội nchră nau ƀư nau kan tơm prăk Ngih dak năm 2023, nchrăp nau ntop tay tơm prăk Ngih dak, nau ƀư nau ntop pă tơm prăk Trung ương năm 2024.

 Nchrăp tơm prăk, ngân sách Ngih dak 03 năm 2024-2026, N’gâng kan tơm prăk Hồ Đức Phớc mbơh, geh sŏk tơm prăk ngih dak ƀư tâm 9 khay năm 2023 tâm ban 75% nau nchrăp, rnoh geh rgum tâm tơm prăk Ngih dak geh 15% GDP. Nau geh prăk Ngih dak lôch năm hao nklăp 4,6% rđil nau geh. Mpeh dŏng tơm prăk Ngih dak năm 2023, nchrăp ƀư 9 khay tâm ban 59% nau nchrăp. Năm 2023, nchrăp geh tơm prăk Ngih dak nklăp 4% GDP. Tât lôch năm 2023, ăp nkô̆ nau rnoh rnon, rnon Chính phủ, rnon dak ba dih bah neh dak, nau đă trok prăk sŏng bah Chính phủ tâm nau kan bah Quốc hội ân ƀư./.