Groi Tổng Giám đốc VOV Vũ Hải Quang ôp khâl ndrel pă nau rngot đah rnăk vâl tahen công an khĭt rnôk ƀư kan rdâng phŭt Yagi tâm Quảng Ninh. Kêng măng 10/9, Groi Tổng Giám đốc Radio Việt Nam Vũ Hải Quang hŏ tât bonh, pă nau rngot ndrel ndŏ rnoh prăk 10 rkeh ân rnăk vâl Thiếu tá Công an Trần Quốc Hoàng, cán bộ ƀư kan tâm ntŭk krŭng nŭih Quảng Ninh, khĭt rnôk ƀư nau kan rdâng phŭt Yagi.

Măng 7/9, Thiếu tá Trần Quốc Hoàng hŏ rlet bri sial, moh, hăn pơk mpông mpeh bah kơi ntŭk krŭng nŭih, đăp mpăn ân tahen nơm ndrel ăp nŭih geh krŭng yor dak hao têh, hoch thăng, rnôk jêh pơk mpông, Thiếu tá Hoàng hŏ geh dak klôn rdu, khĭt tâm rnôk pah kan. Tâm măng nê, rnâng kan kơl rdâng phŭt ma tahen nơm, Thượng uý Nguyễn Đình Khiêm kŏ roh đŏng. Ndrel ma ôp khâl, pă nau rngot ndrel bonh đă rnăk vâl 2 công an, Groi Tổng Giám đốc Vũ Hải Quảng pă kơl an 10 rkeh bah Radio Việt Nam ân băl mpôl 2 rnăk vâl./.