Ôi 2/8, ta Hà Nội, Văn phòng Kruanh dak tâm rgop đah N’gâng kan tâm rnglăp nchră nău, N’gâng kan Công an, Ngih phat dôih ƀon lan gưl prêh ƀư rƀŭn mbơh nău ntrŭnh mơk sĭt ơm năm 2024 bah Kruanh dak. Bah năm 2009 tât aƀaơ, Ngih dak lĕ ƀư 9 rơh m’ơk sĭt ơm nuĭh krŭng, nar ƀư têh bah neh dak, m’ơk sĭt ơm an rlău 92 rbăn nuĭh tih dôih rnôk krŭng, pah kan, nti uĕh plơ̆ sĭt đah ƀon lan, đah kon nuĭh.

Năm aơ, tĭng nău đă bah chính phủ, Kruanh dak Tô Lâm lĕ ký ntrŭnh m’ơk sĭt ơm năm 2024 nkhêp di nkah gĭt 79 năm Quốc khánh n’hanh 70 năm nar rklah đăp mpăn Thủ đô. Nuĭh m’ơk sĭt ơm geh: nuĭh dôl tĭng rmal gŭ ndrung jŏ năm, nuĭh geh nchŭt dôih gŭ ndrung lôch săk lĕ dơi n’hŭch jŭr gŭ ndrung đêt năm, nuĭh dôl dơi an rlu tĭng rmal gŭ ndrung. Nău ntrŭnh aơ nkoch kloh ăp nău dơi an m’ơk sĭt ơm an tĭng rmôt nuĭh.