Ôi nđaơ, ta Văn phòng Chính phủ, Groi Thủ tướng Trần Hồng Hà, Kruanh Hội đông Ngih dak Ntĭm nti n’hanh hun hao nuĭh kan ƀư tơm rơh rƀŭn bah Hội đồng an rgop mpeh dự thảo “Trong kan hun hao ntĭm nti lvang tât 2030, uănh tât năm 2045”.

Ta rƀŭn nchră, ăp ủy viên Hội đồng lĕ rblang ăp nău rƀŏng, nău kan n’gluh an dự thảo trong kan. Tĭng nĕ, tâm Nghị quyết 29 bah Ban Chấp hành Trung ương Đảng khóa 11 geh âk nău rƀŏng dôl di trong, di ngăch ri an ndơn tay; rmôt nău rƀŏng tâm tâm trŭp, mô di mô lah trong mkra mbơh ƀư mô hŏ lĕ rngôch, mô di.

Nkre, trong kan n’gluh an ăp nău rƀŏng mhe, trong mkra mhe gay tâm di nău uch nuĭh kan aƀaơ. Ntoh ngơi ta rơh rƀŭn, Groi Thủ tướng, Kruanh Hội đồng Ngih dak ntĭm nti n’hanh Hun hao nuĭh kan nkoch kloh, Trong kan hun hao ntĭm nti lvang tât 2030 n’hanh uănh tât năm 2045 geh nău khlay lư têh tât nău kơl ntĭm nti n’hanh hun hao nuĭh kan tâm rgŏ năp. Yor nê, Trong kan an geh nău uĕh, nău kan khlay, nău mĭn tơm; nsrôih nchrong trong di yơn geh nău rgâl, hao mhe.