Bah năp nau mbơh bơi tât 3000 kon se nti tốt nghiệp THCS tâm Dak Lak rnôk aơ ê geh ngih săm ƀŭt gay ma hăn nti ƀư kon se nti ndrel me mbŏ rvê, rđau kan n’gor Dak Lak hŏ ơh nau VOV mpeh nau kan rklaih nau aơ. Tĭng nau wa Phạm Minh Tấn, Groi Bí thư nâng kan n’gor uỷ Dak Lak, gay đăp mpăn nau dơi ân bơi tât 3000 kon se geh lăp nti jrâu 10 nau ntĭm nti ƀa ƀơ, bah năp măt.

N’gor uỷ rđau kan UBND n’gor ndrel ăp rmôt kan geh tât pă ntop tay tơm prăk ndrel ân nau ntrŭnh bah Ntŭk kan ntĭm nti ƀa ƀơ, ntĭm nti nau kan pơk tay jrâu ndrel jă tay nai ntĭm kon se ân THPT tâm n’gor gay ntĭm nti. Mpeh nau jŏ jong, êp nau ntuh kơl an âk lơn gay ma pơk trong ntĭm nti, nai ntĭm nti bah n’gor mra ƀư nau kan rlong săch lăp mô lah ân geh săch lăp ngih săm ƀŭt tĭng nau dơi ntĭm nti bah kon se./.