Tâm kêng măng 20/2, rgop nau tâm nau nchrăp Luật neh ntu (rgâl nkra), ăp nŭih kan bah Hội đồng mbơh nchră nau ƀon lan ƀư tơm ndrel pháp luật, ăp nŭih nchră nau kan, nŭih kan khoa học bah Uỷ ban Trung ương MTTQ Việt Nam đă ƀư kloh nau sŏk lơi neh gay hun hao văng sa, rêh jêng yor nau geh jêng bah neh dak, nsum mpôl, nkre đăp mpăn nau tâm ban nau geh jêng đah nŭih geh neh geh bu sŏk kân. Tĭng ăp ntoh măt, nau ngăn tâm nau sŏk lơi neh geh nau jêr, nkol ƀư jêng geh ăp nau phong lah jêr, âk nŭih, yor ê geh tŏng quy phạm pháp luật, mô lah hôm ê geh nau gĭt mpeh pháp luật, nau tâm rgop ê tâm ban tâm ntrong kan chính trị bah ăp gưl.

Ndri ma, nau ƀư kan trok tâm, ntrơn ntŭk gŭ mhe, sŏk lơi neh âk geh nau ntrŭnh ân đăp mpăn: ƀon lan ƀư tơm, kloh, tâm di ndrel nau kan geh nau mbơh, đăp mpăn nau geh dơi bah ngih dak, ntŭk kan tăch rgâl ndel ƀon lan, âk nau rgop đă ƀư âk ntil nau kan sŏk trok tâm, rnoh geh trok tĭng rnoh dôl tăch rgâl, nkhah êng ăp rnoh trok tâm, ăp rnoh kơl an, nau trok tâm, ntrơn ntŭk gŭ mhe lor ma ntrŭnh nau sŏk lơi neh./.