Ntoh măt rđau kan bah rmôt mêt uănh, Groi Hội đồng Dân tộc bah Quốc hội Nguyễn Lâm Thành mbơh, nau tă geh dơi ân saơ, nau pă tơm prăk dŏng mbrơi (ngăn lah tơm prăk kan) âk ngăn lah nkô̆ nau ƀư, âk săm ƀŭt ntĭm tât lôch năm 2023 mơ jêh, nkra, ntop gay ma ƀư, ƀư jêng nau geh pă tơm prăk bah ăp nau kan neh dak tât lơ 30/9/2023 dêh.

            Uỷ ban Rnâng kan Quốc hội nchră nau geh bah rơh mêt uănh ăp Bôk nau kan bah neh dak mbrơi (ngăn lah prăk manh ƀư kan) mhe geh 15% (3.800 rmen). Lah mô geh ntoch jong tơm prăk ƀư năm 2023 tât năm 2024 mra jêng jăng lơi nau trok tâm năm 2023 nklăp 16 rbăn rmen. Tơm uỷ ban tơm prăk Ngân sách bah Quốc hội Lê Quang Mạnh mbơh nau:

            ‘Gâp kŏ tâm ban đah nau khlay bah nau lŏ ntrơn tơm prăk aơ đah tơm prăk ƀư nau kan năm 2022 tât rnôk aơ ê geh pă lôch, hôm nklăp 3.713 rmen, nkô̆ yor bah năp nê Thủ tướng mbơh lah geh nau kan ƀư ân êng ri ê geh nchră dơi ri ma mô geh dơi pă prăk lôch lĕ rnoh prăk aơ tâm năm 2023 aơ. Yơn lah, geh tât nau nchrăp 2024 bah Quốc hội hŏ nchră luh ri ma đă N’gâng kan nchrăp kan ndrel ntuh kơl ƀư kloh nau kan aơ tâm khuch đah nau nchrăp bah năm 2024 gay Rnâng kan Quốc hội geh nau gay uănh nchră”.

            Đah tơm prăk ntrơn tâm năm 2024, Groi Thủ tướng Trần Lưu Quang ŭch, Uỷ ban Rnâng kan Quốc hội ndrel Quốc hội kơl an, yor nkô̆ nau bah nau ntrơn leo tơm prăk aơ âk ân ăp n’gor. “Lah koh n’huch tơm prăk ri nau trok tâm bah Chính phủ geh n’huch, yơn lŏ khuch ân ăp n’gor. N’gor dôl kâp, ŭch ngăn. Groi thủ tướng Trần Lưu Quang, ngơi:

            ‘Tơm prăk aơ ngăn lah ân 3 bôk nau kan aơ lah ŭch ngăn. Nkô̆ nau bah nơm têh ngăn lah rnôk aơ nơm kơt lah mô geh nau dơi ntop ri mâp âk nau jêr ngăn ân n’gor. Ngăn lah rnôk aơ rnoh prăk ak, geh tât nau ƀư nau kan dŏng prăk ƀư kan mô lah prăk dŏng ƀa ƀơ. Hôm tơm prăk ntuh kơl hun hao ri nơm nsôih ntơm rnôk aơ tât lơ 31/12/2024 knŭng hôm rlau du rbăn rmen. Yơn êng tơm prăk ƀư nau kan ri hôm knŭng nklăp 4 rbăn n’gul, yơn ngăn lah tơm prăk aơ jêr geh. Lah ân nau ƀư nsôih tâm 7 nar mbơh bah Chính phủ njoăl ân năn ri nơm mra jêh tâmlơ 28/11”.

            Lôch nar rƀŭn, Kruanh Quốc hội Vương Đình Huệ mbơh, bah nau tâm nchră ân saơ, ăp ntoh măt tâm ban ma nau ntrŭnh nau kan tĭng nau ƀư rhuăt gleh, yơn nau ƀư mhâm geh n’hêl ri an tâm nchră tâm di ma nuih n’hâm ntrŭnh kan.

            Đah ăp nau kan mpeh tơm prăk kơt nau trok tơm prăk, tơm prăk ntoch jong, Kruanh Quốc hội đă Groi Thủ tướng Chính phủ rđau ăp ntŭk kan nchrăp mbơh ngăn bah Chính phủ mpeh nau kan aơ, jao uỷ ban tơm prăk, tơm prặ bah Quốc hội mêt uănh tât nkô̆ nau aơ. “Nuih n’hâm lah doh rklaih lôch nau nkol tâm nau ƀư ăp nau kan nkô̆ nau neh dak, yơn mô dơi ân geh nau tâm rkeh mpeh pháp luật”.

            ‘Tơm prăk bah năm 2024 ri mhe nơh ntrŭnh hôm, jêh nê hôm geh tât kế toán, kiểm toán, ân dŏng tơm prăk. Tĭng nuih n’hâm ntrơn tâm năm 2023 jêng năm 2024 dơm. Nuih n’hâm mhâm ƀư ân tâm di luật ndrel ƀư kloh geh ntrong rgâl pháp luật đŏng lah mô? Mpeh nau dơi ri Quốc hội mra dơi ntrŭnh yơn geh nau tâm rkeh mpeh nau ân dŏng tơm prăk đŏng lah mô? Geh nau tâm rkeh đah kế toán, kiểm toán, nau ân dŏng tơm prăk đŏng lah mô? Nau geh tâm rkeh đah Nau ntrŭnh bah Quốc hội đŏng lah mô? Ân geh nau nchră tât ngăn mpeh tơm prăk”./.