Tĭng Tổng công ty Điện lực miền Trung (EVNCPC), năm 2024 nchrăp geh âk ngăn mbra geh 4.194 MW, hao rlău 10% nkôp đah năm bah năp. Tam rnôk hô duh phang aƀaơ, rnoh điện dŏng tât 87,6 rkeh kWh/nar. Ta năp nu nău nĕ, EVNCPC lĕ ntĭm rđău ăp ntŭk kan rgum lĕ nuĭh, mbơh ƀư dŭt n’hâm ăp trong mkra n’hao pă điện đăp mpăn an nuĭh dŏng.

Tĭng nĕ, rgŏ jă dŭt n’hâm geh 1.095 MW bah ăp ngih măy thủy điện rgŏ jă tu tơm điện măt nar chor jay nklăp 1.970 MW, n’hanh điện nhận từ tâm trong điện ngih dak. Nău kan điện ăp n’gor nkual ƀon têh miền Trung-Tây Nguyên ntrôl ngăch ăp nău nchrăp ƀư ntuh kơl ndâk nkra tĭng trong nchrăp, n’hŭch âk an ăp trong rse, măy biến áp dôl pơk. Tâm rnôk duh phang hô aƀaơ, ăp ntŭk kan mô ƀư nău kan an rlu, n’hŭch pă điện; knŭng nău mkra khuch. Nkre n’hao rmôt nuĭh kâp uănh gay đăp mpăn mkra rnôk geh nău khuch tâm 2 mông, ngăch pă điện rhŏ an nuĭh ƀon lan.