- Dăn đồng chí an gĭt ăp săk rnglăy ntoh lư tâm trong kan ndâk njêng n’hanh nâp nâl nuih n’hâm tahen n’har bri lam ƀon lan ta lam n’gor ?

Đại tá Bùi Đức Chính: Đảng ủy, N’gâng kan ntĭm rđău tahen n’har bri n’gor ndrel ăp pôih tahen n’har bri lĕ ntĭm rđău, ƀĭt joet, tâm ôp tâm nchră an gưl ủy, n’gâng kan ƀon lan n’gor, nkuăl, n’har bri tâm ntĭm rđău, ƀĭt joet n’hanh tâm rgop ndâk njêng ntung trong nkual ăp xă n’har bri. Nkre, dăp rgum, tâm pă dŏng nuĭh ƀon lan, ƀư tĭng ăp nău nchrăp ƀư hun hao wăng sa hăn ndrel đah nâp nâl mât njrăng bri dak, rnă njrăng, gay ŭch hun hao lĕ rngôch nkual n’har bri. Tâm ôp tâm nchră dăn đă ndâk njêng trong ndơ ƀư njrăng rdâng ta ntŭk n’har bri n’hanh ăp ndơ mât njrăng n’har bri, ndâk njêng rmôt nâp dăng, ƀư tĭng uĕh ăp nău kan, trong kan n’har bri n’hanh nâp nâl nuih n’hâm n’har bri nâp dăng ta lam ăp xă n’har bri.

- Ta năp nău đă, nău kan mât njrăng Neh dak tâm nu nău mhe, nău ndâk njêng nuih n’hâm n’har bri lam ƀon lan mbra dơi Tahen N’har bri n’gor Dak Nông n’gluh an m’hâm ƀư, hơi đồng chí?

Đại tá Bùi Đức Chính: Mpôl hên rgum ntĭm rđău, ƀĭt joet, tâm ôp tâm nchră an ăp gưl ƀư tĭng ăp ntĭm đă, nghị quyết bah Trung ương n’hanh n’gor mpeh hun hao wăng sa, văn hóa rêh jêng, nâp nâl mât njrăng neh dak, rnă njrăng; n’hanh rgum ƀư tĭng trong kan rgŏ jă ƀon lan, ntĭm nti mât njrăng bri dak, rnă njrăng; ntĭm nti n’hao nău wât mpeh neh dak, n’har bri neh dak; n’hao nău wât tâm mât uănh, mât njrăng ƀư tơm rnă njrăng n’har bri. Nkre, rgum ndâk njêng trong chính trị mât uĕh ƀư tơm bah ăp rmôt pah kan ta ntŭk, đảng viên râng gưl ủy, râng hội đồng nhân dân, đảng viên mât uănh ăp rnăk, ngăch gĭt lĕ rngôch nu nău gay tâm ôp tâm nchră an ƀon lan tâm ntĭm rđău, ƀĭt joet ƀư tĭng ăp ntil nău kan. Ndrel đah nĕ, trong kan n’har bri, mô an geh tât ndal, gĭt blău, ngăch, nâp nâl ngăch saơ rmal ăp nu nău geh ta n’har bri. Tâm rgop rjăp đah ăp rmôt tahen ƀư uĕh trong kan mât uănh, njrăng n’gang nâp nâl ƀư tơm rnă njrăng n’har bri.