Lôch 10 năm tĭng ƀư nău ntrŭnh bah Ban Bí thư “Mpeh n’hao dăng nău rđău kan bah Đảng đah an manh prăk kơl thuk” (way kuăl lah nău ntrŭnh 40), rhiăng rbăn nuĭh mô lăng geh ta n’gor Gia Lai hŏ dơi ntop kơl nsan hao klaih rlău  ach o.

Nơm geh trong kơl, nuĭh ƀon lan nkual jêr jŏt Gia Lai hŏ geh ndơ ma ntuh kơl tuch tăm, tăch rgâl, nta joi nău kan, tĭng kơn nsan hao klaih rlău jêr jŏt, rgop tĭng ƀư geh nău dơi n’hŭch ach o jŏ jong, rdâk njêng ƀon lan mhe. Tât aƀaơ, prăk an manh thuk hŏ an ƀư tât lĕ rngôch ăp xã nkual jru, nkual ngai lam n’gor Gia Lai. Lĕ rngôch rnoh an manh thuk bơi 16.500 rmen prăk, đah rlău 500 rbăn tơ̆ rnăk ach o, dăch kêng ach o n’hanh ăp nuĭh dơi kơl dơi tât đah tơm prăk manh, tâm nê nuĭh rnoi mpôl đê̆ âk bơi du n’gul. Ntơm bah nê, rnoh rnăk ach o bah Gia Lai hŏ hŭch bah 23% năm 2014 jŭr hôm rlău 8% kơt aƀaơ.